life suck

07.02.2011 um 16:38 Uhr

dumm gelaufen

es chlises gschichtli wett i verzöue 

als gedichtli wett is id wäut stöue

weisch ni wo mer us serscht mau gseh hei

es isch so es het andersch gfunkt bi üs zwöi

mer heis de so la stah

hesch denn jo au no es babe gha

hend us eigentli sälte gseh

doch beide hei gwüsst do isch meh

mir isch denn noni bewusst gsi wie vil 

hesch mer eifach passt und imponiert mit dim stil

denn isch dä obe cho 

do hesch du me ganz fescht id arme gno 

und mi chum lo goh

doch i ha di lo stoh und bi eifach dervo

bi verwachet i dere nacht und ha mi gfrogt

was wäri wenn?

der Gedanke het mi über e stund lang plogt

was wäri denn?

hei es momäntli gwartet

und denn... jo denn simer duregstartet 

mit emene lappe 80 uf der überholspur 

es isch über gsi eifach Schmätterlinge pur

ha mi nid würkli wöue oder chönne wehre

ha dänkt chöige eifach so chlei zäme gschere

ha scho dänkt jo guet brucht zwar muet 

aber uf dä mah lahn i mi i 

weiss ersch iz isch e fähler gsi 

beidi si nid parat gsi

und denn isch öpis passiert

und i ha bis hüt nid kapiert

was denn genau gange isch

aber plötzlich isch so gsi

weder vogel no fisch

am afang hesch mi milady gnennt

hesch sogar under der wuche bi mir pennt

hesch fröid gha ar zit wo mer zäme teilt hei 

und de hesch mers a chopf gworfe dis reese NEI

u sitz i do hie elei dehei 

und chas nid würkli verstoh

weiss nur es isch e so 

und i muen di wieder lo goh 

nid für de sondern für me 

dass i sliecht am ändi vom tunnel wieder gseh....

 

xoxo miss_taurus